16:07 - 18.04.2025

---

18 aprel, Fineko/abc.az. Macarıstan şirkətləri Cəbrayılın Soltanlı kəndi ilə yanaşı, Azərbaycanın işğaldan azad edilən digər ərazilərində də bərpa işləri həyata keçirəcək.

ABC.AZ xəbər verir ki, bunu Macarıstanın Azərbaycandakı səfiri Tamaş Torma deyib.

• Azərbaycan Sloveniya ilə birgə istehsal müəssisəsi yarada bilər

Diplomat vurğulayıb ki, Qarabağın bərpasına Macarıstan həmişə diqqət göstərib və bu, davam edəcək:

“Bərpa prosesi ilə yanaşı, burada digər sahələrdə də əməkdaşlıq edəcəyik. Macarıstan və Azərbaycanın ikitərəfli əlaqələri yüksək səviyyədədir, tez-tez qarşılıqlı səfərlər həyata keçirilir. İki ölkə arasında siyasi, iqtisadi, enerji əməkdaşığı getdikcə inkişaf edir. Yaxın dövrdə mühüm səfərlər həyata keçiriləcək”.