Azərbaycanda 8 bankın depozit portfeli 1 milyard manatdan çoxdur

15:02 - 21.04.2025

21 aprel, Fineko/abc.az. 2025-cü ilin I rübünün yekunlarına əsasən, Azərbaycanda 8 bankın depozit portfeli 1 milyard manatdan çoxdur.

ABC.AZ bankların hesabatına istinadən xəbər verir ki, ən yüksək depozit portfelinə malik olan bank “Azərbaycan Beynəlxalq Bank”ıdır – 10 milyard 128 milyon manat.

Digər yüksək depozit portfelinə malik olan banklardan “Kapital Bank” 9 milyard 4 milyon  manatla ikinci, “Paşa Bank” isə 6 milyard 321 milyon  manatla üçüncü yeri tutur.

“Xalq Bank”ın I rübdə depozit portfeli isə 1 milyard 819 milyon  manat olub.

"Azər Türk Bank"ın depozit portfeli 1 milyard 382 milyon manata yaxınlaşıb.

Bundan başqa ötən rübdə əmanətlərin məbləği “Bank Respublika”da 1 milyard 212 milyon  manat, “Unibank”da 1 milyard 205 milyon manat “AccessBank”da 1 milyard 60 milyon  manat.