16:26 - 24.04.2025

---

24 aprel, Fineko/abc.az. Yaponiya avtomobil nəhəngi Toyota, Şanxay şəhərində yeni elektromobil zavodunun tikintisi ilə bağlı razılaşma imzalayıb.

ABC.AZ Bloomberg-ə istinadən xəbər verir ki, bu zavodda Lexus premium brendi altında elektromobillər istehsal olunacaq.

Zavodun 2027-ci ildə fəaliyyətə başlaması planlaşdırılır. İllik istehsal gücü 100 000 avtomobil, yaradılacaq yeni iş yerlərinin sayı isə təxminən 1 000 olacaq.

Toyota investisiyanın məbləğini açıqlamasa da, Yaponiya mediası bu rəqəmi təxminən 2 milyard dollar olaraq qiymətləndirir. Tikintiyə 2025-ci ilin iyun ayında start veriləcək.

Bloomberg qeyd edir ki, bu zavod Şanxayda Tesladan sonra ikinci elektromobil istehsal müəssisəsi olacaq və alternativ enerji mənbələri ilə işləyən nəqliyyat vasitələri istehsal edəcək.