12:21 - 1.05.2025

---

1 may, Fineko/abc.az. Cari ilin ilk üç ayı ərzində Azərbaycanda 529 kq nərə balığı kürüsü istehsal edilib.

ABC.AZ Dövlət Statistika Komitəsinin məlumatına istinadla xəbər verir ki, bu göstəricinin həcmi 2024-cü ilin yanvar-mart ayları ilə müqayisədə 5.1 dəfə və ya 425.9 kq çoxdur. Belə ki, 2024-cü ilin ilk rübündə Azərbaycanda 103.1 kq nərə balığının kürüsü istehsal edilib.

Qeyd olunur ki, 2024-cü ilin yanvar-fevral ayları ərzində Azərbaycandan 167.2 min ABŞ dolları dəyərində 160 kq nərə balığının kürüsü ixrac edilib. Bu dövrdə qara kürünün 1 kq-nın orta ixrac qiyməti isə 1777 manat təşkil edib.

Cari ilin 2 ayında Azərbaycana Çindən 343.32 min ABŞ dolları dəyərində 1140 kq qara kürü idxal edilib. Bu məhsulun 1 kq-nın orta idxal qiyməti isə 512 manat təşkil edib. (APA)