11:13 - 8.05.2025

---

8 may, Fineko/abc.az. ABB-nin mənfəətindən səhmdarlarına 200 milyon manat dividend ödəniəcək.

ABC.AZ xəbər verir ki, bu sözləri ABB-nin İdarə Heyətinin sədri Abbas İbrahimov bankın dayanıqlılıq hesabatına dair keçirilən mətbuat konfransında deyib.

O bildirib ki, bu, son 7 ilin rekord göstəricisidir. "Hazırda ABB-nin 30 mindən çox səhmdarı var. Nizamnamə kapitalında 92,18% dövlətin payıdır. Son bir ildə ABB sosialyönümlü layihələr üzrə 1,6 milyard manatlıq ödənişlər edib", - deyə sədr vurğulayıb.

Onun sözlərinə görə, bu ilin yanvar-aprel aylarını ABB 80 milyon manata yaxın mənfəətlə başa vurub:

"Bankın kredit portfeli 6,5 milyard manata çatıb. Bankda hazırda 4 mindən artıq əməkdaş çalışır".

Müəllif: Elmir Murad