10:38 - 13.05.2025

---

13 may, Fineko/abc.az. ABŞ Çindən göndərilən poçt bağlamalarına tətbiq olunan tarifləri 120%-dən 54%-ə endirəcək.

ABC.AZ-ın məlumatına görə, bu barədə ABŞ Prezidenti Donald Trampın imzaladığı icra sərəncamında deyilir.

Sənədə əsasən, dəyişikliklər ABŞ-ın şərq sahili vaxtı ilə 14 may saat 00:01-dən (Bakı vaxtı ilə 08:01) qüvvəyə minəcək. Bununla yanaşı, hər bir göndəriş üçün minimal sabit rüsum əvvəlki kimi 100 dollar təşkil edəcək.

Tramp daha əvvəl bəyan etmişdi ki, Çindən ABŞ-a göndərilən bağlamalara tətbiq olunan tarif 120%-ə qədər artırılacaq. O, həmçinin demişdi ki, 2 maydan etibarən 800 dollar və daha aşağı dəyəri olan Çin malları artıq gömrük rüsumundan azad olmayacaq.