11:52 - 22.05.2025
22 may, Fineko/abc.az. Neftin qiyməti son bir saat ərzində 2% ucuzlaşıb. Bu, OPEK+ ölkələrinin neft hasilatını xeyli artırmaq imkanını müzakirə etməsi fonunda baş verib.
ABC.AZ xəbər verir ki, təklifin artması ehtimalı qiymətləndirilərkən enerji şirkətlərinin səhmləri bazarın mümkün doymasına dair narahatlıqlar səbəbindən təzyiq altında qalıb.
Bloomberg News-un məlumatına görə, iyul ayında gündəlik hasilatın 411 min barel artırılması müzakirə olunur. OPEK+ hələ yekun razılığa gəlməyib, lakin hasilatın artması ilə bağlı gözləntilər bazarda əhval-ruhiyyəyə təsir göstərir.
Reuters isə bildirir ki, OPEK+ hasilat artımını sürətləndirə və noyabr ayına qədər bazara əlavə olaraq gündəlik 2,2 milyon barel neft qaytara bilər. Bu, iyulda sürətləndirilmiş artımı da əhatə edir.
