14:36 - 23.06.2025

---

23 iyun, Fineko/abc.az. Yaxın Şərqdə geosiyasi gərginliyin artmasına baxmayaraq, Çinli sahibkarlar regiona maraq göstərirlər.

ABC.AZ xəbər verir ki, CNBC-nin məlumatına görə, Çindən Dubay logistika mərkəzinə tədarüklər keçən ilə nisbətən 20% artıb.

Çin Yaxın Şərqi ABŞ ilə ticarət mübahisələri fonunda perspektivli bir istiqamət kimi görür. Pekinin xarici siyasət addımları, o cümlədən Səudiyyə Ərəbistanı ilə İran arasında münasibətlərin bərpasında vasitəçilik ölkənin mövqeyini möhkəmləndirir.

İqtisadçıların sözlərinə görə, Hörmüz boğazındakı risklərə və ikinci dərəcəli sanksiyalar təhlükəsinə baxmayaraq, bölgədə eskalasiyanın davam etməsi ehtimalı azdır. Eyni zamanda, Çin ABŞ-ın İrana hücumlarını pisləyib, lakin özü də sanksiya təzyiqi səbəbindən onunla ticarəti məhdudlaşdırıb.

Ekspertlər hesab edirlər ki, sanksiyaların deeskalasiyası və zəifləməsi halında minlərlə Çin şirkəti İranın turizm, tikinti və infrastrukturuna investisiya qoymağa hazırdır.