“Xalq Bank” Milli Depozit Mərkəzinin üzvlüyünə qəbul edilib

11:25 - 24.06.2025


24 iyun, Fineko/abc.az. Azərbaycan Respublikası Milli Depozit Mərkəzinin (MDM) üzvlüyünə Mərkəzi Bankın 7 may 2025-ci il tarixli İXB-01 nömrəli investisiya xidmətlərinin həyata keçirilməsi barədə Lisenziyaya  əsasən ASC "Xalq" Bank qəbul edilmişdir.

ABC.AZ MDM-nin məlumatına istinadla xəbər verir ki, bununla ASC “Xalq Bank” (Bank) MDM-in üzvü olan ilk bank olmuşdur.

Üzvlüyə qəbul edilməsi nəticəsində mövcud qaydalara uyğun Bank tərəfindən fiziki və hüquqi şəxslərə investisiya xidmətləri təklif ediləcək.

Bundan əlavə MDM və Bank arasında əməkdaşlıq haqqında memorandum imzalanıb. Memorandumun imzalanması ilə kapital bazarının inkişafı istiqamətində birgə əməkdaşlığın genişləndirilməsi imkanları nəzərdə tutulur.