Azərbaycanda vergi sistemində qeydiyyat və uçota nəzarət sərtləşdirilir

17:19 - 26.09.2018


26 sentyabr, Fineko/abc.az. Vergilər Nazirliyi vergi sistemində qeydiyyat və uçota nəzarəti gücləndirir.

Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov bildirib ki, departament  uçotdan yayınan sahibkarların vəziyyətini təhlil etdi.

“Artıq uçotdan yayınan şəxslər müəyyənləşdirilib və qanunvericiliyə müvafiq işlərin görülməsi üçün vergi orqanlarına təqdim edilib. Təhlillər nəticəsində müəyyən olunub ki, 2016-2018-ci illərdə lisenziya əldə etmiş bir sıra təsərrüfat subyektləri vergi orqanlarında uçotdan yayınıb. Uçotda olan təsərrüfat obyektlərini icarəyə verən bəzi vergi ödəyicilərinin də uçot məlumatlarında uyğunsuzluqlar aşkarlanıb. Bir neçə kommersiya hüquqi şəxs təsis edilməsi faktları da aşkarlanıb”, - Ə.Məmmədov belə deyib.

 

 

Bütün xəbərlər