16:00 - 6.10.2025

---

6 oktyabr, Fineko/abc.az. Tesla Inc 7 oktyabrda keçiriləcək tədbir üçün yeni məhsulun təqdimatına dair tizerlər dərc edib. X platformasında yerləşdirilən qısa videolarda fırlanan təkər və avtomobilin işıqlanan faraları əks olunub.

ABC.AZ xəbər verir ki, bu anons satışların azalması, model sırasının köhnəlməsi və Çin avtomobil istehsalçılarının təzyiqi fonunda daha əlçatan modelin buraxılışı ilə bağlı artan gözləntilərlə üst-üstə düşüb.

Tesla üçüncü rübdə rekord səviyyədə təchizat barədə məlumat versə də, ekspertlər artımı ABŞ-da elektrik avtomobillərinə verilən vergi güzəştlərinin son həftələri ilə əlaqələndirirlər. İndi şirkət xüsusilə Avropa və Çində güclənən rəqabət şəraitində tələbatı qoruyub saxlamaqla üz-üzədir. Bu bazarlarda BYD artıq satış həcminə görə Tesla-nı geridə qoyub.

İlon Mask vurğulayıb ki, Tesla-nın gələcək inkişafı avtonom idarəetmə, süni intellekt və robot texnologiyalarına əsaslanacaq.