17:09 - 6.10.2025

---

6 oktyabr, Fineko/abc.az. 2024-cü ildə 4,1 %-lik artımdan sonra bu il ÜDM artımının yavaşlaması gözlənilməz olmayıb, ancaq yavaşlamanın miqyası əvvəlki proqnozları üstələyib.

ABC.AZ xəbər verir ki, həm neft, həm də qeyri-neft sektorları - nəqliyyat, tikinti və digər sahələr daxil olmaqla - 2025-ci ilin birinci rübündə təzyiqə məruz qalıb və ikinci rübdə qismən bərpa olunub.

"Dövlət Statistika Komitəsinin məlumatlarına görə, iyul-avqust ayları üzrə ilkin aylıq ÜDM göstəriciləri artım tempinin daha da zəiflədiyini göstərir, sənaye istehsalı və xidmət sahəsində də yavaşlama müşahidə olunur.

Uzunmüddətli perspektivdə məhz yanacaq sektoru artım üçün əsas maneə olaraq qalır, qeyri-neft sahələri isə dayanıqlılıq nümayiş etdirir, lakin onlar da ümumi azalmadan sığortalanmayıb", - müəlliflər qeyd ediblər.