10:38 - 7.10.2025

---

7 oktyabr, Fineko/abc.az. 2025-ci ilin birinci yarısında Türk Dövlətləri Təşkilatına (TDT) üzv ölkələri maliyyə sahəsində də əhəmiyyətli irəliləyişlər əldə edilib.

Bu barədə ABC.AZ “Türk iqtisadi icmalı”nın 2025-ci ilin ikinci rübünə istinadla xəbər verir.

Hesabata əsasən, Qazaxıstanın və Türkiyənin büdcə gəlirlərində artım olub. Artım əsasən hidrokarbon gəlirləri ilə yanaşı, vergi islahatları və infrastruktur maliyyələşməsi ilə də səciyyələnib. Qazaxıstanın dövlət gəlirləri 17,6% artaraq 28,45 milyard ABŞ dollarına çatıb, Türkiyənin gəlirləri isə 149,58 milyard ABŞ dolları təşkil edib. Azərbaycan büdcə gəlirlərində 5,1% artım əldə edərək, ümumilikdə 11,65 milyard ABŞ dollarına çatıb, bu artım əsasən qeyri-neft sektorunun inkişafı ilə əlaqədardır.