17:19 - 30.10.2025

---

30 oktyabr, Fineko/abc.az. Türkiyənin Kənd və Meşə Təsərrüfatı Nazirliyi sitrus meyvələrinin istehsalının azalacağını proqnozlaşdırır.

ABC.AZ xəbər verir ki, əvvəlki ilə nisbətən portağal və limon istehsalında müvafiq olaraq 15,0% və 34,8% azalma proqnozlaşdırılır. Eyni zamanda, naringi istehsalında 7,1% artım gözlənilir.

Digər bağçılıq bitkilərinə gəlincə isə, əvvəlki ilə nisbətən əsas qoz-fındıq növlərinin məhsulunda azalma proqnozlaşdırılır.

Belə ki, fındıq məhsulu 38,5%, qoz 38,1%, püstə 61,1% azalacaq. Banan (1,6%) və zeytun (34,7%) istehsalında da azalma gözlənilir, qarpız və qovun istehsalında müvafiq olaraq 8,3% və 17,5% artım olacaq.