15:56 - 7.11.2025

---

7 noyabr, Fineko/abc.az. Almaniyanın poçt və logistika konserni DHL Group (əvvəl — Deutsche Post DHL Group) 2025-ci ilin üçüncü rübündə xalis mənfəətin 11,9% artdığını bildirib ki, bu da analitiklərin proqnozlarından yuxarı olub.

ABC.AZ xəbər verir ki, şirkətin hesabatına görə, iyul–sentyabr dövründə xalis mənfəət 840 milyon avroya (hər səhm üçün 0,75 avro) çatıb, ötən il eyni dövrdə bu göstərici 751 milyon avro (hər səhm üçün 0,63 avro) olub.

Gəlirlərin 20,13 milyard avroya enməsinə baxmayaraq, DHL-nin mənfəəti gözləntiləri aşıb, əməliyyat gəliri 1,49 milyard avroya, sərbəst pul axını isə təxminən iki dəfə artaraq 1,2 milyard avroya çatıb. Şirkət illik proqnozunu qoruyub (EBIT ən azı 6 milyard avro, FCF - təxminən 3 milyard avro). Hesabat fonunda DHL səhmləri 5,7% bahalaşıb.