11:22 - 14.11.2025

---

14 noyabr, Fineko/abc.az. “MSDİS Holding” MMC-nin dövlət qarşısında vergi borcu daha da artıb.

ABC.AZ xəbər verir ki, bunu Dövlət Vergi Xidmətinin məlumat bazasında qeyd edilmiş rəqəmlərdən aydın görmək olur.

Məlumata əsasən, “MSDİS Holding” MMC-nin vergi borcu 18 129 820.72 manatdır.

Qeyd edək ki, “MSDİS Holding” MMC 2020-ci ildə dövlət qeydiyyatına alınıb və qanuni təmsilçisi Mirfəyyaz Nağıyevdir. Holdinq inşaat, istehsalat və yanacaqdoldurma sektorları üzrə ixtisaslaşıb. Hazırda holdingin tərkibində 5 sahə fəaliyyət göstərir. Bunlar “MS Sement”, “MS Kabel” və “MS Oil”, “MS Asfalt” və “MS Karyer” sahələridir.