10:20 - 19.11.2025

---

19 noyabr, Fineko/abc.az. Çinin Xiaomi texnologiya konserni analitiklərin bütün əsas göstəricilər üzrə gözləntilərini üstələyərək xalis mənfəəti iki dəfədən çox artırıb.

ABC.AZ xəbər verir ki, iyul–sentyabrda Xiaomi'nin xalis mənfəəti 12,26 milyard yuana (1,72 milyard dollar) çatdı, bir il əvvəl isə 5,34 milyard yuan idi. Birdəfəlik maddələr çıxılsa, göstərici 1,8 dəfə artaraq 11,31 milyard yuana çatıb.

Şirkətin konsolidə edilmiş qazancı 22,3% artaraq 113,12 milyard yuan təşkil edib.

2010-cu ildə təsis edilən Xiaomi, smartfonlar, noutbuklar və televizorlardan tutmuş ev və xüsusi elektrikli nəqliyyat vasitələri üçün ağıllı cihazlara qədər geniş spektrli elektronika istehsal edir. Şirkətin satış coğrafiyası 100-dən çox ölkəni əhatə edir.