11:06 - 5.12.2025

---

5 dekabr, Fineko/abc.az. Özbəkistan Octobank bankı çəkiliş qrupu olmadan hazırlanmış, ilk İA-video-xəbərini təqdim edib. Kontentin, vizual əlavələrdən və aparıcının avatarından tutmuş ssenariyə, səsləndirməyə və montaj kompilasiyasına qədər tamamilə neyron şəbəkələr vasitəsilə generasiya edildiyi bildirilir.

ABC.AZ-ın məlumatına görə, video TAF!25 festivalına həsr olunub. Octobank tədbirin baş tərəfdaşı kimi çıxış edərək rəqəmsal texnologiyalar və kommunikasiya sahəsində qabaqcıl həllərini təqdim edib.

Bu, regionda ilk presedenti təşkil edir: bank qurumu jurnalistin fiziki iştirakı olmadan tədbirdən reportaj hazırlayıb. Belə yanaşma xərcləri xeyli azaltmağa, xəbərlərin daha operativ hazırlanmasına və ən əsası, bankın PR-infrastrukturunun yüksək texnoloji yetkinlik səviyyəsini nümayiş etdirməyə imkan verir.

TAF!25 ilə bağlı İA-buraxılış, bankın tamamilə generativ texnologiyalara əsaslanan video-xəbər layihəsi olan OCTOBANK AI-TV təşəbbüsünün bir hissəsidir. Kanal özbək, rus və ingilis dillərində videolar hazırlayaraq mövzuları bank xəbərlərindən tutmuş maliyyə savadlılığına dair məsləhətlərə qədər əhatə edir.