17:14 - 16.12.2025

---

16 dekabr, Fineko/abc.az. Amazon JPMorgan Chase-in dəstəyi ilə fintex şirkəti Slope ilə birgə ABŞ-də müstəqil satıcılar üçün sürətli kreditləşmə proqramına start verib.

ABC.AZ xəbər verir ki, sahibkarlar platformadakı hesabları vasitəsilə onlayn müraciət edərək dərhal qərar əsasında çoxistifadəli kredit xətti əldə edə biləcəklər.

Kredit vəsaitləri malların alınması, anbarların doldurulması, reklam və gündəlik biznes xərcləri üçün istifadə oluna bilər. Proqramda iştirak üçün Amazon-da ən azı bir il fəaliyyət və illik dövriyyənin 100 min ABŞ dollarından çox olması tələb olunur.

Şirkət bildirir ki, bu təşəbbüs kiçik və orta biznesin maliyyələşməyə çıxışını asanlaşdıracaq və satıcıların çevikliyini artıracaq. Xəbər fonunda Amazon-un səhmləri 1,61 % ucuzlaşaraq 222,54 dollar səviyyəsinə enib.