16:36 - 23.12.2025

---

23 dekabr, Fineko/abc.az.  28 yanvar 2026-cı il tarixində saat 15:00-da ölkənin müxtəlif şəhər və rayonlarında torpaq müsabiqə və hərracları keçiriləcək.

ABC.AZ xəbər verir ki, müsabiqə və hərraclarda iştirak üçün müraciətlərin qəbulu 25 dekabr 2025-ci il tarixindən 26 yanvar 2026-cı il tarixinədək aparılacaq.

Məlumata görə, müsabiqə və hərraclara Xızı, Gəncə, Göygöl, Qusar və Yardımlı rayonlarının bələdiyyələri tərəfindən torpaq sahələri çıxarılıb. Torpaq sahələri əsasən fərdi yaşayış evlərinin tikintisi, sahibkarlıq fəaliyyəti və kənd təsərrüfatı məqsədləri üçün nəzərdə tutulub.