16:03 - 7.01.2026

---

7 yanvar, Fineko/abc.az. Şanxay limanı ötən il 55,06 milyon TEU-dan çox yük emal edərək ardıcıl 16-cı il dünyada birinci yerini qoruyub saxlayıb.

ABC.AZ xəbər verir ki, bu barədə «Tsaylyan» agentliyi məlumat yayıb. 2024-cü ildə Şanxay limanı illik konteyner dövriyyəsi 50 milyon TEU-nu keçən dünyada ilk liman olub. Burada emal olunan əsas yük növlərinə konteynerlər, kömür, metal filizləri, neft məhsulları, polad, tikinti materialları, eləcə də maşın və avadanlıqlar daxildir.

 Liman Shanghai International Port Group (SIPG) tərəfindən idarə olunan Şərqi Çinin əsas nəqliyyat qovşaqlarından biridir.