09:22 - 15.01.2026

---

15 yanvar, Fineko/abc.az. Beş sessiya ardıcıl artımdan sonra, cümə axşamı keçirilən ticarət əməliyyatlarında etalon markaların qiyməti aşağı düşür.

ICE Futures birjasında Brent neftinin mart fyuçersinin qiyməti saat 09:19-a olan məlumata görə $2,15 (3,23%) ucuzlaşaraq bir barel üçün $64,37 təşkil edib. 14 yanvar ticarət əməliyyatlarının yekununda Brent neftinin mart fyuçersi $1,05 (1,60%) bahalaşaraq bir barel üçün $66,52-a çatmışdı.

NYMEX əmtəə birjasında WTI neftinin fevral fyuçersinin qiyməti saat 09:19-a olan məlumata görə $2,01 (3,24%) düşərək bir barel üçün $60,01 olub. 14 yanvar ticarət əməliyyatlarının yekununda WTI neftinin fevral fyuçersi $0,87 (1,42%) bahalaşaraq bir barel üçün $62,02 təşkil etmişdi.