10:27 - 16.01.2026

---

16 yanvar, Fineko/abc.az. Qazaxıstan 2025-ci ildə Bakı–Tbilisi–Ceyhan boru kəməri ilə 1,3 milyon ton neft nəql edib.

ABC.AZ xəbər verir ki, bu barədə “KazMunayQaz” neft-qaz şirkətinin mətbuat xidməti məlumat yayıb.

Məlumatda deyilir: “Qazaxıstan neftinin Aktau limanından Bakı–Tbilisi–Ceyhan istiqamətində tədarük həcmi 1,3 milyon ton təşkil edib. 2026-cı il üçün gözlənilən həcmin 1,6 milyon tona qədər artırılması planlaşdırılır”.

Qazaxıstan Energetika Nazirliyinin məlumatına görə, 2024-cü ildə Bakı–Tbilisi–Ceyhan marşrutu ilə təxminən 1,4 milyon ton Qazaxıstan nefti nəql olunub.