10:45 - 19.01.2026

---

19 yanvar, Fineko/abc.az. Comex birjasında (Nyu-York Əmtəə Birjasının bölməsi) 2026-cı ilin mart ayı üçün tədarüklə gümüş fyuçerslərinin qiyməti 5%-dən çox artım nümayiş etdirir. Bu barədə ticarət meydançasının məlumatlarında qeyd olunur.

ABC.AZ xəbər verir ki, Bakı vaxtı ilə saat 9:55-ə olan məlumata görə, qiymətli metalın dəyəri bir troy unsiyası üçün 93,2 dollar (+5,3%) təşkil edib.

Gümüş üzrə tarixi maksimum 2026-cı il yanvarın 19-na keçən gecə qeydə alınıb. Həmin vaxt qiymətli metalın dəyəri bir troy unsiyası üçün 94 dollar həddini keçmişdi.