16:23 - 22.01.2026

---

22 yanvar, Fineko/abc.az. Türkiyə Mərkəzi Bankı əsas faiz dərəcəsini 38%-dən 37%-ə endirib.

ABC.AZ xəbər verir ki, bu barədə tənzimləyicinin Pul Siyasəti Komitəsinin iclasının yekunlarına dair açıqlamasında bildirilir.

“Pul Siyasəti Komitəsi həftəlik repo hərracı üzrə uçot dərəcəsinin 37%-ə endirilməsi barədə qərar qəbul edib”, – məlumatda qeyd olunur.

Bank növbəti dəfə faiz dərəcəsi ilə bağlı qərarını 12 mart tarixində açıqlayacaq.

Türkiyə Mərkəzi Bankı 2023-cü ilin iyununda iki ildən artıq fasilədən sonra uçot dərəcəsini 8,5%-dən 15%-ə yüksəltmiş, bundan sonra 2024-cü ilin martınadək onu mütəmadi olaraq artırmışdı. Tənzimləyici səkkiz ay ardıcıl olaraq faiz dərəcəsini 50% səviyyəsində saxlamışdı. 2024-cü ilin dekabrında isə Mərkəzi Bank əsas faiz dərəcəsinin mərhələli şəkildə azaldılmasına başlayıb.