17:03 - 3.02.2026

---

3 fevral, Fineko/abc.az. Çexiya Baş Naziri Andrey Babiş AB siyasətçilərinə yazdığı məktubda CO₂ emissiyalarının azaldılmasına diqqət yetirməyi və avtomobil nəqliyyatı ilə binaların isitmə sektoruna kvotaları tətbiq edəcək ETS 2 sisteminin işə salınmasını təxirə salmağı tövsiyə edib.

ABC.AZ xəbər verir ki, o, ETS 1 kvotalarının yüksək qiymətlərinin sənayeni zədələdiyini və “yaşıl” gündəlikdə əlavə tapşırıqların milli qərarların qəbulunu məhdudlaşdırdığını vurğulayıb.

Sənaye və ticarət naziri Karel Havliček Babişi dəstəkləyərək ETS 1 ssenarisinin təkrar olunma riskini və müxtəlif gəlirli ailələr arasında fərqin artma ehtimalını qeyd edib. ETS 1 2005-ci ildən energetika, enerjiyə çox tələbat olan sənaye sahələri və aviasiyada tətbiq olunur; ETS 2 isə 2027-ci il üçün planlaşdırılmışdı, lakin işə salınması 2028-ci ilə təxirə salınıb.