10:40 - 13.02.2026

---

13 fevral, Fineko/abc.az. Çin əvvəllər Amerika tərəfi tərəfindən realizə olunmuş Venesuela neftinin bir hissəsini satın alıb. Bu barədə ABŞ-ın energetika naziri Kris Rayt bildirib.

ABC.AZ xəbər verir ki, onun sözlərinə görə, Çin şirkətləri ilə bazar şərtləri əsasında həyata keçirilən qanuni sövdələşmələr məqbul hesab olunur.

ABŞ-ın Venesuelanın neft sektoruna nəzarəti ələ keçirməsindən sonra qlobal neft bazarı yeni vəziyyətə uyğunlaşır. Əvvəllər Venesuela neftinin ən böyük alıcısı olan Çin yeni logistika qurur, Hindistanın neft emalı zavodları isə alışları artırır. İxrac artıq yeni bazarlara da genişlənir.

JPMorgan-ın proqnozuna görə, mövcud dinamika qorunarsa, yaxın 2–3 il ərzində Venesuelada hasilat sutkada 2 milyon barelə çata bilər. Raytın sözlərinə görə, ölkəyə tətbiq olunan “neft karantini” faktiki olaraq başa çatıb.