14:51 - 13.02.2026

---

13 fevral, Fineko/abc.az. OpenAI ABŞ Konqresinə bildirib ki, onun Çin rəqibi DeepSeek öz neyron şəbəkələrini öyrətmək üçün aparıcı ABŞ süni intellekt modellərindən istifadə edir.

ABC.AZ xəbər verir ki, sənəddə OpenAI DeepSeek-i “distillasiya” adlanan metodlardan istifadə etməkdə ittiham edib — Çin modeli digər, daha inkişaf etmiş və mürəkkəb neyron şəbəkənin davranışını təkrarlamağa öyrədilir. OpenAI müşahidələrinə görə, distillasiya ən çox Çin və bəzən Rusiyada tətbiq olunur (Bloomberg isə heç bir Rusiya şirkətinin adını göstərmir).

Məktub müəllifləri bildirirlər ki, belə praktikaların qarşısını almaq hələ mümkün deyil və onlar getdikcə daha mürəkkəb olur.