15:17 - 13.02.2026

---

13 fevral, Fineko/abc.az. Alüminiumun qiymətləri ABŞ-ın polad və alüminium idxalına tətbiq olunan bəzi rüsumları yenidən nəzərdən keçirmək və azaltmaq planları ilə bağlı xəbərlərdən sonra enib.

ABC.AZ xəbər verir ki, məlumata görə, Donald Tramp müvafiq tariflərin bir hissəsinin azaldılmasını nəzərdən keçirir. ABŞ hakimiyyəti məhdudiyyətlərə düşən malların siyahısını yenidən gözdən keçirir və sərt rüsumların istehlakçılara mənfi təsir göstərə biləcəyi ilə bağlı narahatlıqlar fonunda bəzi mövqeləri siyahıdan çıxara bilər.

Bu xəbərlər fonunda alüminium London Metal Exchange birjasında 1,3% ucuzlaşaraq bir ton üçün 3 058,50 dollara düşüb. Daha əvvəl rüsumların 50%-ə qaldırılması tədarük zəncirində fasilələrə və qlobal bazarlarda dalğalanmalara səbəb olmuşdu.