18:39 - 13.02.2026

---

13 fevral, Fineko/abc.az. Microsoft şirkəti öz əməliyyat sistemi Windows 11-də tətbiqlər üçün yeni icazə sistemi təqdim edəcək.

ABC.AZ xəbər verir ki, bu barədə 12 fevral tarixində Windows Latest nəşri məlumat yayıb.

Şirkət nümayəndələrinin sözlərinə görə, yeni sistem “əsas təhlükəsizlik rejimi”ni təşkil edəcək. Beləliklə, işləmə məhdudiyyətləri yalnız düzgün rəqəmsal imzaya malik proqramlar və xidmətlərə tətbiq olunmayacaq. Bu kateqoriyaya, məsələn, drayverlər və rəsmi utilitlər daxildir.

Rəqəmsal imzası olmayan proqramların işləməsi üçün istifadəçidən birbaşa icazə tələb olunacaq. Əgər bu icazə alınmasa, Windows 11-də həmin proqramlar normal işləyə bilməyəcək.

Nəşrin məlumatına görə, Windows əməliyyat sistemində yeni icazə sistemi smartfonlardakı sistemlə müqayisə edilə bilər; burada istifadəçi müəyyən proqramlara, məsələn, şəkil qalereyasına giriş və ya mesaj göndərmə hüququ verib-verməməyə qərar verir.