14:39 - 5.03.2026

---

5 mart, Fineko/abc.az. 2024-cü ilin yekunlarına görə Səudiyyə Ərəbistanı, BƏƏ, Qətər, Küveyt və Oman üzrə turizmdən əldə olunan ümumi gəlir təxminən $111 mlrd təşkil edib.

ABC.AZ xəbər verir ki, bu məlumatlar son illərdə infrastrukturun inkişafına və gəlirlərin şaxələndirilməsinə aktiv investisiya yatıran Fars körfəzi ölkələrinin iqtisadiyyatları üçün turizm sektorunun əsas rolunu göstərir.

Qeyd edək ki, İran, ötən həftə ərazisinə İsrail və ABŞ tərəfindən endirilən zərbələrə cavab olaraq sadalanan ölkələrin ərazisinə zərbələr endirib.

Eyni zamanda Türkiyə turizm gəlirlərinə görə regionun lideri olaraq qalır və 2024-cü ildə bu sahədən $56,3 mlrd qazanıb.

Türkiyə Statistika İnstitutunun (TÜİK) rəsmi məlumatlarına əsasən, bu göstərici bir qədər yüksəkdir və $61,1 mlrd təşkil edir ki, bu da əvvəlki illə müqayisədə 8,3% çoxdur.