10:23 - 6.03.2026

---

6 mart, Fineko/abc.az. Qətər, Ras-Laffan şəhərindəki zavodunda mayeləşdirilmiş təbii qazın (LNG) istehsalını dayandırdıqdan sonra bir neçə qaz tankerini icarəyə verməyi təklif edib.

ABC.AZ xəbər verir ki, bu barədə "Bloomberg" agentliyi treyderlərə və gəmilərin izlənilməsi məlumatlarına istinadən məlumat yayıb.

Qeyd olunur ki, söhbət ən azı iki qaz tankerindən — "Al Thumama" və "Mesaieed" gəmilərindən gedir. Hər iki gəmi Qətərin milli neft-qaz şirkəti "Qatar Energy" tərəfindən uzunmüddətli icarəyə götürülüb və hazırda Afrikanın qərb sahillərindədir.

Qətər dünyanın üç ən iri LNG ixracatçısından biridir.