15:14 - 6.03.2026

---

6 mart, Fineko/abc.az. Yaxın Şərqdə davam edən böhran qlobal ticarət axınlarını pozur: Almaniyanın Heute nəşrinə görə, Dubayda təzə ərzaq yalnız 10 günə çatır, çünki tədarük zəncirlərində ciddi fasilələr yaranıb.

ABC.AZ xəbər verir ki, loqistika şirkəti Kühne+Nagel-in baş direktoru Ştefan Paul dünya üzrə təxminən 18% hava yük daşıma imkanlarının çatışmadığını qeyd edir. Problemlər həm hava, həm də dəniz nəqliyyatını əhatə edir; Avropada nəticələr hələ ki nisbətən azdır, lakin Fars körfəzi ölkələrində vəziyyət çox daha kəskindir.

Xüsusilə təzə məhsullar — tərəvəz və meyvələr risk altındadır, çünki region ərzağın 80–90%-ni idxal edir, bu da 2007–2008-ci illərin qlobal ərzaq böhranına bənzər ciddi ərzaq təhlükəsizliyi riskinə səbəb olur.