15:44 - 6.03.2026

---

6 mart, Fineko/abc.az. Birləşmiş Ərəb Əmirlikləri ölkədə olan milyardlarla dollar dəyərində İranın valyuta aktivlərinə çıxışı məhdudlaşdırmağı nəzərdən keçirir.

ABC.AZ xəbər verir ki, bu barədə The Wall Street Journal anonim mənbələrə istinadla yazıb. Hələ qərar qəbul edilməyib və tətbiq olunma vaxtı məlum deyil.

Atlantic Council-in məlumatına görə, Dubay xüsusilə Qərb sanksiyaları şəraitində İran şirkətləri və şəxsləri üçün mühüm maliyyə dəhlizi olub. ABŞ daha öncə BƏƏ-də İran biznes strukturlarının bağlanmasını tələb etsə də, Dubay Amerikanın maraqları ilə İranla praqmatik münasibətlər arasında balans saxlamağa çalışıb.

BƏƏ hakimiyyəti yaxın qonşuluq siyasətinə, deeskalasiya və BMT Nizamnaməsinə sadiqliyini vurğulayır və ABŞ və İsrailin koalisiyalarında İrana qarşı əməliyyatlarda iştirakdan imtina edir.