17:19 - 6.03.2026

---

6 mart, Fineko/abc.az. “Oracle” yaxın vaxtlarda minlərlə əməkdaşını ixtisar etməyi planlaşdırır.

ABC.AZ xəbər verir ki, şirkət iri müştərilərə, o cümlədən OpenAI-yə xidmət göstərmək üçün məlumat mərkəzləri şəbəkəsinin genişləndirilməsinə büdcəni yenidən yönəldir.

Bəzi vəzifələr ləğv ediləcək, çünki şirkətin fikrincə, həmin funksiyaların bir qismini artıq neyroşəbəkələr yerinə yetirə bilir. Bundan əlavə, işə qəbul dondurulub və bulud bölməsində açıq vakansiyalar yenidən nəzərdən keçirilir.

Layihələrin maliyyələşdirilməsi üçün Oracle borc öhdəliklərinin buraxılması və səhmlərin satışı hesabına 50 milyard dollara qədər vəsait cəlb etməyi planlaşdırır. Restrukturizasiya xərcləri, o cümlədən işdən çıxarılan əməkdaşlara ödəniləcək kompensasiyalar təxminən 1,6 milyard dollar qiymətləndirilir.