09:45 - 11.03.2026

---

11 mart, Fineko/abc.az. Çərşənbə günü keçirilən hərraclarda neftin etalon markaların qiymətləri, 10 mart tarixinindəki 11%-dən çox enişdən sonra müxtəlif istiqamətlərdə dəyişir.

Saat 09:38-ə olan məlumata görə, ICE Futures birjasında Brent neftinin may fyuçersi $0,07 (0,08%) ucuzlaşaraq bir barel üçün $87,73 təşkil edib. 10 mart hərraclarının yekununda Brent-in may fyuçersi $11,16 (11,28%) azalaraq bir barel üçün $87,80-a düşmüşdü.

Saat 09:38-ə qədər NYMEX birjasında WTI neftinin aprel fyuçersi $0,51 (0,61%) bahalaşaraq bir barel üçün $83,96 olub. 10 mart hərraclarının yekununda WTI-nin aprel fyuçersi $11,32 (11,94%) geriləyərək $83,45 təşkil etmişdi.