11:24 - 11.03.2026

---

11 mart, Fineko/abc.az. Almaniyada innovasiya baxımından güclü şirkətlərin payı 13%-ə qədər azalıb, müəssisələrin təxminən 40%-i isə zəif innovasiya kateqoriyasına daxildir.

ABC.AZ xəbər verir ki, bunu Bertelsmann Fondunun innovasiya üzrə eksperti Armando Qarsiya Şmidt bildirib. Onun sözlərinə görə, beynəlxalq rəqabətin gücləndiyi şəraitdə ölkənin innovasiya bazası zəifləyir.

Azalma xüsusilə sənaye sahələrində nəzərə çarpır. Şirkətlər radikal yenilikləri daha az tətbiq edir və daha çox məhsul və proseslərin mərhələli təkmilləşdirilməsi ilə kifayətlənirlər. Şirkətlərin təxminən 70%-i süni intellektdən istifadə etsə də, CO₂-nin tutulması kimi mürəkkəb texnologiyalar hələ də məhdud tətbiq olunur.

Ekspertlər xəbərdarlıq edirlər ki, qəti addımlar atılmasa, Almaniya uzunmüddətli iqtisadi geriləmə və sənayedə ixtisarlar fonunda texnoloji rəqabət qabiliyyətini itirə bilər.