10:21 - 12.03.2026

---

12 mart, Fineko/abc.az. "Wolfe Research" analitikləri hesab edirlər ki, ABŞ istehlakçıları İranla münaqişə nəticəsində yaranan enerji daşıyıcılarının qiymət artımından qorunurlar.

ABC.AZ xəbər verir ki, ekspertlərin fikrincə, il ərzində benzin qiymətləri təxminən $0,50 artarsa, bu, "təxminən $70 milyard məbləğində istehlak xərclərinin mal və xidmətlərdən enerjiyə yönəldilməsinə" səbəb olacaq və "nominal ÜDM üçün təxminən 0,2% maneə" yaradacaq.

Bununla belə, fiskal dəstək və vergi endirimlərinin 11% artması "bufer" rolunu oynayacaq. Analitiklər yaxın həftələrdə münaqişənin deeskalasiyasını və bazarın stabilləşməsini gözləyirlər; toplanmış resurslar isə yüksək istehlak tələbini dəstəkləməyə davam edəcək.