14:10 - 12.03.2026

---

12 mart, Fineko/abc.az. Vyetnam xaricə 1,3 mln ton düyü göndərib ki, bu da 2025-ci ilin eyni dövrü ilə müqayisədə 5% çoxdur.

ABC.AZ xəbər verir ki, bu barədə ölkənin Kənd Təsərrüfatı və Ətraf Mühit Nazirliyinin məlumatlarında bildirilir. Düyü satışından gəlir 11,2% azalıb və 599,3 mln ABŞ dolları təşkil edib. Orta qiymət isə ton başına 464,1 dollar olub ki, bu da ötən ilə nisbətən 15,4% azdır.

Ən iri alıcı Filipinlər olub (47,6%). İkinci və üçüncü yerləri Çin və Qana bölüşüb (müvafiq olaraq 18,3% və 8,9%).

Filipinlər yanvar-fevral aylarında düyü alımını 17,6% artırıb, Çin isə 5,8 dəfə çox alıb. Qana isə alışları 31% azaldıb. Digər ölkələr arasında Vyetnamdan düyü idxalını ən çox, 90,9%, azaldan ölkə Kot-d’İvuar olub.

Martın əvvəllərində 5% üyüdülmüş dənli düyü ton başına 365 dollara satılır. Satış tempinin azalması isə alıcıların məhsulun yığımı dövründə qiymətlərin enməsini gözləməsi ilə izah olunur.