10:46 - 13.03.2026

---

13 mart, Fineko/abc.az. İranla bağlı müharibə və qlobal bazarlardakı qeyri-müəyyənlik fonunda ABŞ dolları güclənməkdə davam edir.

ABC.AZ xəbər verir ki, dollar cümə günü son üç ayın ən yüksək səviyyəsinə qalxıb və müharibənin başladığı vaxtdan bəri ikinci həftədir ki, bahalaşır. Dolların möhkəmlənməsinin əsas səbəblərindən biri investorların onu “təhlükəsiz liman” valyutası kimi görməsidir.

Valyutalarda əsas dəyişikliklər

ABŞ dolları indeksi 0,13% artaraq 99,79 səviyyəsinə çatıb və həftəlik 0,8% artım göstərir.

Avro 1,1504 dollar səviyyəsinə düşərək noyabrdan bəri ən zəif həddə enib.

Yapon yeni 1 dollar = 159,455 yen səviyyəsinə qədər ucuzlaşıb və 20 ayın minimumunu görüb.

Britaniya funtu isə 1,3335 dollar səviyyəsinə geriləyib.