14:49 - 13.03.2026

---

13 mart, Fineko/abc.az. Xiaomi “Xiaomi Book Pro 14” modelinin tizerini təqdim edib. Bu, Xiaomi Book 14 modelindən sonra brendin son üç ildə təqdim etdiyi ilk noutbukdur.

ABC.AZ xəbər verir ki, cihaz 1,08 kq çəkidə maqnezium ərintisindən hazırlanmış nazik korpusa, Intel Core Ultra X7 358H və ya Intel Core Ultra 5 325 prosessorlarına, 32 GB-a qədər operativ yaddaşa və 1 TB SSD yaddaşa sahib olacaq. Soyutma sistemi buxarlanma kamerası ilə təchiz olunub və 50 Vt TDP dəstəyini təmin edir.

Noutbuk üç rəngdə təqdim olunacaq və ilk olaraq Çin bazarında satışa çıxarılacaq. Qiyməti hələ açıqlanmayıb.