10:33 - 16.03.2026

---

16 mart, Fineko/abc.az. Rystad Energy-nin proqnozlarına görə, rəqəmsallaşmanın genişləndirilməsi hesabına neft-qaz sektoru yaxın beş il ərzində 320 milyard dollardan çox vəsaitə qənaət edə bilər.

ABC.AZ xəbər verir ki, Rusiya da bu istiqamətdə irəliləyir. Son on ildə ölkənin neft-qaz sənayesində avadanlıqlar üzrə idxaldan asılılıq səviyyəsi 43%-dən 70%-ə qədər azalıb.

2025-ci ildə sektor İT investisiyalarını 155% artırıb, rəqəmsallaşma üçün ayrılan büdcə isə 135 milyard rubl təşkil edib.

Bu tendensiya Yandex şirkətinin korporativ texnologiyalar bölməsi olan Yandex B2B Tech-in maliyyə nəticələrində də öz əksini tapır. Bölmənin ümumi gəliri 48,2 milyard rubl olub. Bunun 27,6 milyard rublu Yandex Cloud, 18,4 milyard rublu isə Yandex 360 xidmətlərinin payına düşür.

Şirkət hazırda iki əsas istiqamətə fokuslanır: süni intellekt texnologiyalarının tətbiqi və virtual ofisin on-premises yerləşdirmə modelinin inkişafı.

2026-cı ildə Yandex 360 platformasına Messenger, Telemost və Calendar kimi əsas xidmətlərin on-premises versiyalarının əlavə olunması planlaşdırılır. Bu addım SaaS həllərinin istifadə edilə bilmədiyi sahələrdə virtual ofisin mövqeyini gücləndirməlidir.

Qeyd edək ki, hakimiyyət orqanları yanacaq-energetika kompleksinin rəqəmsal transformasiyası üzrə 2036-cı ilə qədər yenilənmiş strateji istiqaməti artıq təsdiqləyib. Plana əsasən, 2030-cu ilə qədər əsas istehsal və idarəetmə proseslərini təmin edən sistemlərdə yerli proqram təminatının istifadəsi 80%-ə çatdırılmalıdır.