Azərbaycan Beynəlxalq Bankından daha bir yenilik - UnionPay kartları!

11:12 - 5.02.2019


5 fevral, Fineko/abc.az. Azərbaycan Beynəlxalq Bankı əməliyyat həcmlərinə görə dünyanın ən nəhəng beynəlxalq kart təşkilatı olan UnionPay beynəlxalq kart təşkilatının kartlarının emissiyasına başlayıb. Bankın müştərilərinə təklif etdiyi UnionPay Classic, UnionPay Gold, UnionPay Platinum kartlarını buradan onlayn qaydada, yaxud bankın filial və şöbələrində sifariş vermək olar. UnionPay kartı hesablarını həm manat, həm də ABŞ dollarında açdırmaq mümkündür. Kart debet və kredit rejimlərində işləyir.

Geniş istifadə şəbəkəsi, əməliyyatların yüksək keyfiyyəti, effektivliyi, ən əsası isə çox güclü beynəlxalq təhlükəsizlik sisteminə malik olması UnionPay kartlarının əsas üstünlüklərindəndir. 2002-ci ildə Çin Dövlət Şurası və "Çin Xalq Bank"ı tərəfindən təsis edilmiş "UnionPay International" şirkəti emissiya etdiyi kartların sayına və kartlar üzrə tranzaksiyaların həcminə görə dünya lideridir. UnionPay hazırda 174 ölkədə xidmət göstərir, kartlarının ümumi sayı 7 milyarddan artıqdır. UnionPay kartlarından dünyanın müxtəlif ölkələrindəki 52 milyondan çox ticarət və xidmət məkanında 2.6 milyondan çox ATM-də, eləcə də onlayn alış-verişlərdə maneəsiz istifadə etmək olar.

Kart bir çox məkanlarda ödənişlər zamanı öz sahibinə endirimlər qazandırır. Bu kartın sahibləri həm UnionPay-in, həm də Azərbaycan Beynəlxalq Bankının yaratdığı güzəşt imkanlarından faydalana bilərlər. Məsələn, “Qayğıkeş” klubu çərçivəsində bankla tərəfdaşlıq edən alış-veriş məkanlarında ödənişləri UnionPay kartları və Azərbaycan Beynəlxalq Bankının POS terminalları vasitəsilə aparan zaman ödənilmiş məbləğin 40%-dək hissəsi elə yerindəcə müştərinin kart hesabına geri qayıdacaq. Bundan başqa, bu kartla xaricdə edilmiş alış-verişlər üzrə vergi ödənişləri Tax Free sahəsində qlobal kompaniya olan “Global Blue” ilə tərəfdaşlıq çərçivəsində  kart sahibinin hesabına daha təhlükəsiz və daha sürətli qaydada geri qayıdır. Əlavə olaraq UnionPay kart sahibləri mütəmadi olaraq keçirilən kampaniyalar çərçivəsində dünyanın bir çox hava limanlarının “Duty free” alış-veriş zonasında xüsusi endirimlər əldə edə bilərlər. Eyni zamanda premial UnionPay kart sahiblərinin “Global concierge”, “Global assistance” kimi bir sıra beynəlxalq xidmətlərdən yararlanmaq imkanı var. Bütün qeyd olunanlar barədə daha ətraflı məlumat əldə etmək üçün “UnionPay International” mobil tətbiqini yükləmək kifayət edir.

Azərbaycan Beynəlxalq Bankı hazırda ən çox sayda beynəlxalq ödəniş sistemləri ilə əməkdaşlıq edən Azərbaycan bankıdır. UnionPay, VISA, Mastercard, American Express, Diners Club, JCB kimi beynəlxalq ödəniş sistemləri ilə gerçəkləşdirdiyi müştərək layihələr sayəsində bank müştərilərinə dünyanın hər bir yerində faydalana biləcəkləri geniş çeşidli kart məhsulları və özəl üstünlüklər təqdim edir. Elektron xidmət infrastrukturunu inkişaf etdirməklə Azərbaycan Beynəlxalq Bankı ölkəmizdə nağdsız ödənişlərin genişlənməsinə töhfə verməyə çalışır.

Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

 

 

Bütün xəbərlər