16:21 - 15.02.2019

---

15 fevral, Fineko/abc.az. Azərbaycanda tələbələrə təqaüd verilməsi mexanizmi dəyişəcək.

Azərbaycan Təhsil naziri Ceyhun Bayramov bildirib ki, ilkin hesablamalara görə, tələbələrin təqaüdünün artırılması üçün dövlət büdcəsindən əlavə 25 milyon manat ayrılacaq.

“Artım nəticəsində, yüksək akademik göstəriciləri olan tələbələrin təqaüd məbləği 130 manat təşkil edir. İndi təqaüd bütün universitetlərdə veriləcək. Yəni, yüksək akademik göstəriciləri olan özəl ali təhsil müəssisələrinin tələbələri də təqaüd ala biləcəklər”, - nazir bunu deyib.

Prezidentin, 1 mart 2019-cu il tarixli sərəncamına əsasən yüksək göstəricilərə malik olan tələbələr üçün prezident təqaüdü 185 manatdan 210 manata yüksəldiləcək.

Sərəncam həmçinin 2019-2020 tədris ilində təqaüd alan tələbələrin faiz sayının  31%-dən 45%-ə, 2020-2021 tədris ilində isə ən azı 50%  artırılmasını nəzərə tutur.