15:48 - 23.11.2017

---

23 noyabr, Fineko/abc.az. Azərbaycanda sığorta depozitlərinə tələbat artıb.

Maliyyə Bazarlarına Nəzarət Palatasının məlumatına görə, cari ilin yanvar-oktyabr aylarında  həyatın yaşam sığortası çərçivəsində sığorta depozitləri 108,588 milyon manat təşkil edib.

“Keçən ilin yanvar-oktyabr aylarına nisbətdə  həyatın yaşam sığortası üzrə  sığorta depozitləri  63,9% və ya 42,337 milyon manat həcmində artdı. Beləliklə, 2016-cı ilin 10 ayında həyatın yaşam sığortasına yatırılan vəsaitlərin həcmi 66,251 milyon manat təşkil etmişdir”, - məlumatda belə deyilir.

Həyatın yaşam sığortası üzrə ödəmələr həmçinin 30,8% və yaxud 21,566 milyon manat artaraq 91,552 milyon manata yüksəlib. Keçən  ilin eyni dövründə bu rəqəm 69,986 milyon manat təşkil etmişdir.