16:55 - 27.03.2019

---

27 mart, Fineko/abc.az. Azərbaycan Əmlak Məsələləri Dövlət Komitəsi bu gün dövlət əmlakı obyektlərinin özəlləşdirilməsi üzrə növbəti hərrac keçirib.

Dövlət Komitəsinin məlumatına görə, bu gün səhmdar cəmiyyətləri, kiçik dövlət müəssisələri və qeyri-yaşayış sahələri hərraca çıxarılmışdır.

“Belə ki, paytaxtın Nəsimi rayonunda yerləşən, ümumi faydalı sahəsi 96.6 kv.m olan obyekt üçün ilkin hərrac qiyməti 25 min manat təyin olunmuşdur. Hərrac üzrə qalib şəxs bu obyekti 75 min manata özəlləşdirdi. Ümumi faydalı sahəsi 49.2 kv.m olan obyektin ilkin hərrac qiyməti 9 min 750 manat təyin olunmuşdur”, - məlumatda belə deyilir.

Məlumatda həmçinin deyilir ki, ticarət nəticəsində Bakı şəhəri, Sabunçu rayonunda yerləşən "Material Təchizat" adlı səhmdar cəmiyyətinin nizamnamə kapitalının 43%-lik səhm paketi investor tərəfindən özəlləşdirildi.