Cari ildə qeyri-neft sektoru üzrə ixrac 979 milyon dollar təşkil edib

30.07.2019,12:32


30 iyul, Fineko/abc.az. 2019-cu ilin yanvar-iyun ayları ərzində Azərbaycanın ixracı 9,98 milyard dollar təşkil edib və ötən ilin müvafiq dövrünə nisbətən 1,3 milyard dollar və ya 15 % artıb.

Bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın 2019-cu ilin iyul sayında qeyd olunur.

Qeyd edilir ki, cari ilin altı ayı ərzində qeyri-neft sektoru üzrə 979 milyon dollar dəyərində ixrac reallaşdırılıb. Bu isə 2018-ci ilin müvafiq dövrü ilə müqayisədə 127 milyon dollar və ya 15 %  artıb.

Bu ilin ilk yarısında Rusiyaya 355 milyon, Türkiyəyə 213,3 milyon, Gürcüstana 85,4  milyon, İsveçrəyə 73,5 milyon və İtaliyaya 30,5 milyon dollar dəyərində qeyri-neft sektoruna aid mal ixrac edilib.

2019-cu ilin birinci yarısında 2018-ci ilin müvafiq dövrü ilə müqayisədə Rusiyaya qeyri-neft ixracı 11 %, Türkiyəyə 18 %,  Gürcüstana 15 %, İsveçrəyə 6 % və İtaliyaya 2,3 dəfə artım müşahidə olunub.