12:00 - 13.12.2017

---

13 dekabr, Fineko/abc.az. Cari ilin 11 ayı ərzində Azərbaycana minik avtomobillərinin idxalı 2 dəfə artıb.

Dövlət Gömrük Komitəsinin (DGK) məlumatında deyildiyi kimi,  2017-ci ilin yanvar-noyabr ayları ərzində avtonəqliyyat vasitələrinin Azərbaycana idxalı 9,828 min ədəd təşkil etmişdir ki, bu da keçən ilin eyni dövrünün göstəricisindən 2 dəfə çoxdur (4,82 min ədəd).

DGK-nin məlumatına əsasən, 2017-ci ilin 11 ayı ərzində Azərbaycana gətirilmiş avtonəqliyyat vasitələrinin əksəriyyətini minik avtomobillər və sərnişin daşımaları üçün nəzərdə tutulmuş digər mühərrikli nəqliyyat vasitələri təşkil edir (8,527 min ədəd).

2017-ci ilin yanvar-noyabr aylarında Azərbaycana həmçinin  yük daşımaları üçün nəzərdə tutulmuş 1,014 min ədəd mühərrikli nəqliyyat  vasitəsi,  68 ədəd xüsusi təyinatlı mühərrikli nəqliyyat vasitəsi idxal olunmuşdur.

Bundan əlavə, hesabat dövründə respublikaya, 10 və ya 10-dan çox insanın daşınması üçün nəzərdə tutulmuş  169 ədəd mühərrikli nəqliyyat vasitəsi gətirilmişdir.