11:14 - 10.01.2020

---

10 yanvar, Fineko/abc.az. Azərbaycan mediasında adları daha çox neqativ xəbərlərdə hallanan sığorta şirkətlərinin adları açıqlanıb.

ABC.AZ xəbər verir ki, “Media Consulting & Sevices” (MC&C) media monitorinq qrupunun 2019-cu ilin dekabr ayı üzrə açıqladığı hesabata əsasən, sözügedən dövrdə haqlarında ən çox neqativ xəbərlər dərc olunan şirkətlər- “AzSığorta”, “AzərSığorta Dövlət Sığorta Kommersiya Şirkəti”, “Paşa Sığorta”, “AXA MBASK” və “AtaSığorta” şirkətləri olub.

Qeyd edək ki, bəhs olunan dövrdə mətbuatda “AzSığorta” haqqında 23 neqativ xəbər, “AzərSığorta Dövlət Sığorta Kommersiya Şirkəti”  haqqında 18, “Paşa Sığorta” haqqında 15, “AtaSığorta” haqqında isə 5 şikayət və digər neqativ xarakterli məlumat dərc edilib. Monitorinq qrupunun açıqladığı hesabata əsasən, sığorta şirkətləri ilə bağlı yayılan ümumi xəbərlərdə neqativ xəbərlərin xüsusi çəkisi 12%, neytral 42%, pozitiv isə 46% təşkil edib.

Müəllif: Elmir Murad