Naxçıvanda 18 nəfərdə koronovirus aşkarlanıb

11:48 - 6.04.2020


6 aprel, Fineko/abc.az. Ölkədə tətbiq olunan karantin rejiminə uyğun olaraq 2896 nəfər Naxçıvan Muxtar Respublikasında nəzarətdə saxlanılır. Onlardan 536-sı ölkəmizin digər bölgələrindən olan və muxtar respublikaya gələn şəxslərdir.

ABC.AZ xəbər verir ki, bu rəqəmlər Naxçıvan Muxtar Respublikası Səhiyyə Nazirliyinin yaydığı məlumatda qeyd olunub.

Məlumatda bildirilib ki, bu günə qədər 630 şübhəli şəxsdə test yoxlamaları aparılıb. Təkrar test yoxlamalarının nəticələrinə əsasən 18 nəfərdə koronavirus (COVID-19) infeksiyasına yoluxma faktı qeydə alınıb. 1 nəfər sağalaraq evə buraxılıb. Virus aşkarlanan digər 17 nəfərin xüsusi rejimli xəstəxanada müalicələri davam etdirilir. Ağırlaşma halları yoxdur.

 

Bütün xəbərlər